Сопствената кожа може да ни прави доста проблеми. Сите сакаме мека, глатка и нежна кожа, а таа најчесто е премногу мрсна, премногу сува или пречувствителна... Тоа е само почетокот.
Проблемите можат да кулминираат во различни заболувања за кои ќе ви бидат потребни "сто години" да ги излечите. Mоже да се случи да имате проблем од типот на псоријаза или дерматитис, да применувате прописна терапија, a сепак состојбата да не се подобрува. Ако тоа е случајот кај вас, еве што може да придонесе за таквата состојба.
Цигарите: Дека цигарите не придонесуваат за убавината, навистина не е некоја тајна. Ако имате псоријаза која и покрај долготрајна терапија не поминува, можеби тоа има врска со пушењето. Имено, се покажало дека оние што пушат една кутија дневно имаат дупло повеќе шанси да оболат од псоријаза отколку непушачите. Уште полоша е ситуацијата за жените. Жените пушачи имаат 72% поголеми шанси да добијат псоријаза.
Алкохол: И тој, дури и во поблаги варијанти (вино или пиво) може да ги зголеми шансите да заболите од некое кожно заболување. Една чаша вино дневно нема да пречи (иако и толку треба да избегнувате доколку имате дерматитис), но ако пиете две или повеќе чаши алкохол дневно, дупло ќе го зголемите ризикот да оболите од псоријаза. Ако испиете меѓу 15 и 20 чаши вино, пиво или жесток пијалок неделно, дупло поголеми се шансите да добиете дерматитис.
Генетика: Распрашајте се во својата фамилија дали некој од вашите роднини бил заболен од дерматитис. Доколку постои псоријаза во фамилијата, поголеми се шансите и кај вас да се развие тежок облик на ова заболување.
No comments:
Post a Comment